Hier is die vyfde volume van Afrikaanse slaaptydstories om die swaarkry van bedtoegaan met lekkerkry klaar te kry. Deel 5 van die reeks 101 Slaaptydstories oor die avonture van Mossieman en sy boesemvriend, Geronkie die donkie, laat jou somtyds kopkrap en ander kere maag vashou van die lag. In 101 Slaaptydstories beleef ons saam met dié twee rakkers avonture en poetse waaraan hulle die niksvermoedende inwoners van die Vrystaat onderwerp, meesal met onvoorspelbare gevolge.