Vizitante Montekarlon, la timida kaj nenomata rakontantino de Rebecca enamiĝas al Maxim de Winter, belaspekta kaj riĉega vidvo, kiu subite proponas geedziĝon. Tamen, kiam ili revenas al lia domego, Manderley, ĉio ŝanĝiĝas, kaj ŝi konstatas, ke apenaŭ ŝi lin konas. En ĉiu angulo de ĉiu ĉambro ŝvebas memoroj de lia unua edzino, la ŝajne perfekta Rebecca, kaj la dua sinjorino de Winter riskas droni sub ŝia ombro. Unue eldonita en 1938, tiu ĉi klasikaĵo de la angla literaturo ricevis la Premion Anthony por Plej Bona Romano de la Jarcento, kaj nun la unuan fojon estas legebla ankaŭ en Esperanto. Daphne Busson du Maurier (1907-1989) estis angla verkistino, kiu famiĝis pro siaj psikologie profundaj romanoj kaj rakontoj, interalie Jamaica Inn (1936) kaj Rebecca (1938).