La fama ĉina marksisto CHENG Enfu, en la unua eseo de tiu ĉi libreto, priskribas la aktualan novliberalismon kaj la rolon, kiun Ĉinlando en la monda evoluo povas ludi. La dua eseo, de Hannes A. FELLNER, klarigas la evoluon de la ĉina klasika filozofio, ĝian dialektikan pensadon, kiu trairas la plurmil-jaran ĉinan pensad-historion ĝis hodiaŭ, ekde la "Libro de ŝanĝiĝoj" tra la konfuceismo, taoismo ... ĝis la nuntempa marksisma pensado. Sekvas artikolo de ZHANG Guangming pri disputoj pri la rilato de la 1-a kaj la 3-a volumoj de "La kapitalo".