Wie is die Puriteine? Waarom is hulle vandag vir my belangrik? As jy hierdie vrae gevra het en steeds op gepaste antwoorde wag, is hierdie boek vir jou. Volg God voluit bied ’n basiese inleiding tot die Puriteine, wat ’n groep mense bekendstel wat daarop ingestel is om God met hul hele hart, siel, verstand en krag te volg. Joel R Beeke en Michael Reeves stel ons voor aan nege Puriteinse steunpilare waarmee ons almal vertroud behoort te wees. Hulle wys ons die praktiese bydraes wat die Puriteine gelewer het in die bespreking van leerstellings met betrekking tot God, verlossing, kerk en die daaglikse lewe. Lees hierdie boek en word oortuig om God voluit te volg, net soos die Puriteine. “Wanneer ek oor hulle wonder of meer van die Puriteine wil weet, sou ’n boek van ongeveer tweehonderd bladsye, geskryf deur een of twee bekwame en gewilde Christelike segsmanne, wat ook geleerdes is wat goed vertroud is met Puriteinse geskiedenis, teologie, biografie, pastoraat en hedendaagse relevansie, my werklik kon help. As daar maar net so ’n boek was! Nou is daar. Dit word Volg God voluit genoem – tegelykertyd ’n uitstekende inleiding, ’n opknappingskursus en ’n moet-lees-boek. Drie hoera’s vir hierdie geskenk van die dinamiese duo Joel Beeke en Mike Reeves!” - SINCLAIR B FERGUSON, ’n Ligonier Ministries-onderwysgenoot en kanseliersprofessor van sistematiese teologie aan die Reformed Theological Seminary. JOEL R BEEKE is kanselier en professor van sistematiese teologie en homiletiek aan die Puritan Reformed Theological Seminary, Grand Rapids, Michigan. MICHAEL REEVES is president en professor van teologie aan die Union School of Theology, Oxford, VK.